12.11.2026 · Auto Pjesë Bajrami

Audi A6 C7 para dhe pas 2015: çka ndryshoi dhe si i dallon

Gjenerata C7 e Audi A6-s doli në vitin 2011. Audi e përditësoi atë në vitin 2014, dhe gama e re erdhi te blerësit me veturat e vitit 2015 e tutje. Nga jashtë ndryshimi nuk është i madh, por është i qartë kur e di ku me shikuar. Dhe ka rëndësi praktike, sepse pjesët e përparme dhe të prapme nuk janë të njëjta para dhe pas.

Si i dallon nga para

Sipas materialit zyrtar të Audi UK, maska Singleframe te versioni i përditësuar duket më e gjerë. Gjashtë qoshet e saj janë më të theksuara dhe ka shtylla kromi. Braniku i përparmë është ridizajnuar: hyrjet anësore të ajrit janë lidhur mes vete dhe janë rrethuar me një kllapë kromi, me llamela brenda tyre dhe me tehe të theksuara në pjesën e epërme.

Te fenerët, xenon plus ishte standard, kurse LED dhe Matrix LED ishin opsion. Në versionin më të lartë, 19 dioda për fener bashkë me katër reflektorë e japin dritën e gjatë, kurse njësia kontrolluese i ndez, i fik dhe i zbeh diodat në 64 shkallë. Matrix LED vjen bashkë me sinjalet dinamike para dhe mbrapa: diodat ndizen prej brenda kah jashtë.

Si i dallon nga mbrapa dhe anash

Fenerët e prapmë janë më të hollë. Kapaku i bagazhit ka një shirit kromi. Difuzori poshtë i bart daljet e reja të zbrazjes, me formë trapezi që e thekson gjerësinë e veturës. Fenerët e prapmë janë tërësisht LED, kurse sinjali dinamik mbrapa është standard kur vetura i ka fenerët LED para.

Anash, pragjet janë ridizajnuar dhe janë më të theksuara, kurse shiritat mbi dritaret anësore janë në të zezë me shkëlqim.

Çka do të thotë për ty

Viti e vendos pjesën. Maska e A6-s 2012–2014 dhe ajo e 2015–2018 janë dy produkte të ndara dhe nuk këmbehen mes vete. Mbrapa puna qëndron ndryshe: për veturat 2012–2014 kemi difuzor në dizajnin e faceliftit, në dy versione — njëri për branikun bazë, tjetri për branikun S Line.

Prandaj, para se të porosisësh, na shkruaj vitin e saktë dhe cilin branik e ke mbrapa. Pjesët vijnë të palyera, ndaj te llogaria duhet shtuar edhe ngjyrosja.

Pjesët te ne

Çmimet janë vetëm për pjesën — pa ngjyrosje dhe pa montim. Montimin e bëjmë te shitorja.

Burimet

← Çka ka t're?