BMW X5 i ri (G65): nënshkrim "X" në drita dhe pa derë të ndarë bagazhi
BMW e zbuloi gjeneratën e re të X5-shit më 30 qershor 2026. Kodi i shasisë është G65. Prodhimi nis këtë muaj në fabrikën e Spartanburgut në SHBA. Modelet e para me benzinë dhe naftë hyjnë në treg nga fundi i nëntorit 2026, kurse hibridet me prizë dhe iX5 elektrik vijnë në fillim të vitit 2027.
Çka ndryshon
Përpara. Veshkat janë vertikale dhe të ngushta, me ndriçim të integruar në kornizë. Vizatimi i dritave është i ri: dy shenja "X" të vendosura njëra mbi tjetrën. Është hera e parë që BMW e përdor këtë nënshkrim. Hyrjet e ajrit janë zbritur poshtë veshkave, në një pjesë të gjerë plastike të zezë. Te versioni më i fuqishëm i nisjes, X5 M60e xDrive me 603 kuaj fuqi, parakolpi është më i punuar dhe ka katër gypa shkarkimi.
Anash. Dorezat e dyerve janë të fshehura në vijën e xhamit dhe hapen elektrikisht; BMW-ja i quan "Winglets". Rrotat shkojnë deri në 23 inç.
Prapa. Dera e bagazhit nuk ndahet më në dy pjesë. X5-shi e kishte mbajtur atë zgjidhje prej gjeneratash. Dritat e prapme janë më të holla se te G05-shi dhe shtrihen përgjatë gjerësisë, të ndara në mes nga shenja e BMW-së.
Çka do të thotë për ty
G65-shi nuk del shpejt në rrugët tona, dhe kur të dalë do të jetë i shtrenjtë. Por prezantimi i tij e zhvendos edhe një hap prapa pamjen e X5-shit para faceliftit, pra G05-shin e viteve 2018–2022 — modelin që e shohim më së shpeshti këtu.
Hapi realist për atë veturë nuk është G65-shi, por facelifti i vetë G05-shit (2023–2026). Aty ndryshojnë parakolpi i përparmë, maska dhe parakolpi i prapmë. Puna bëhet me set konvertimi e jo pjesë-pjesë, sepse formet duhet të përputhen mes vete. Llogarite edhe ngjyrosjen sipas kodit të ngjyrës së veturës — pjesët vijnë në prajmer.
Nëse nuk e do konvertimin e plotë, maska dhe difuzori i prapmë e ndryshojnë pamjen me shumë më pak para.
Nga dyqani
- BMW X5 G05 Conversion Body Kit M Packet to LCI (2018–2022) — €2,689.99, 2 copë në stok
- BMW X5 G05 Conversion Body Kit X5M LCI (2018–2022) — €2,899.00, 1 copë në stok
- BMW X5 G05 Grill (2019–2024) — With LED — €440.00, 9 copë në stok
- X5 Series G05 M Packet Aero Kit (2018-2022) — €499.99, 27 copë në stok
- BMW X5 G05 Rear Diffuser M Packet (2019–2026) — €180.00, 9 copë në stok
Për përshtatje e ngjyrosje, na shkruani në 048 770 400 me modelin, vitin dhe një foto të parakolpit që e ke tash.
Burimi: BMW PressClub — https://www.press.bmwgroup.com/global/article/detail/T0458636EN/the-new-bmw-x5?language=en