03.11.2026 · Auto Pjesë Bajrami

Range Rover Sport L494 para dhe pas 2018: çka ndryshoi dhe si i dallon

Range Rover Sport i gjeneratës së dytë, me kodin L494, filloi në 2013. Në oktobor 2017 Land Rover e paraqiti versionin e rifreskuar, i cili u shit si model 2018 dhe vazhdoi deri në verën e 2022-shit, kur e zëvendësoi gjenerata e tretë, L461. Ndryshimet janë kryesisht te dritat dhe te maska — dhe pikërisht ato e bëjnë dallimin kur e shikon veturën nga rruga.

Si i dallon

Para. Dritat e versionit pas 2018-shit janë më të holla dhe shkojnë bashkë me një maskë më të ngushtë, ashtu që balli i veturës duket si një sipërfaqe e vetme. Land Rover i ofroi në katër nivele: Premium me 24 LED, Matrix me 52 LED, Pixel me 142 LED të kontrolluara veç e veç, dhe Pixel-Laser me 144 LED plus katër dioda lazer, që ndriçojnë mbi 500 metra dhe punojnë natën mbi 80 km/h. Parakolpi është i ri, me dritat e mjegullës LED më të holla. Edhe vrimat e ajrit në krahë kanë formë tjetër.

Mbrapa. Fenerët e pasmë po ashtu u bënë më të hollë. Sinjalet, para dhe mbrapa, ndizen në lëvizje — prej brenda kah jashtë. Spoileri i pasmë e fitoi një prerje të re, me hapje, që e mban xhamin e pasmë më të pastër. Në listë hynë edhe tri dizajne të reja xhantash, 21 dhe 22 inç.

Nën kapak, që nga jashtë nuk shihet: V8 5.0 me kompresor shkoi në 525 PS, SVR-i në 575 PS, dhe u shtua P400e — hibrid me prizë, 404 PS dhe 51 km vetëm me rrymë.

Çka do të thotë për ty

Nëse e ke një Range Rover Sport 2014–2017, fytyra e versionit pas 2018-shit arrihet me një set konvertimi. Sipas përshkrimit të setit, ndërrohen parakolpi, mbrapakolpi, maska dhe zbukurimet, dhe pjesa tjetër e karrocerisë mbetet si është. Pjesët vijnë në plastikë PP. Dritat nuk përmenden në përmbajtjen e setit — për ato pyet veç.

Çmimi është vetëm për pjesën. Lyerja dhe montimi janë punë veç; montimin e bëjmë te shitorja.

Pjesët që i kemi

Para se të porosisni, shkruani modelin dhe vitin e saktë — jua konfirmojmë përshtatjen.

Burimet

← Çka ka t're?