05.11.2026 · Auto Pjesë Bajrami

Audi Q8 para dhe pas 2023: çka ndryshoi dhe si i dallon

Audi Q8 para dhe pas 2023: çka ndryshoi dhe si i dallon

Q8-a e parë u shit deri në 2023. Pastaj Audi e përditësoi modelin, dhe versioni i ri hyri në shitje në shtator të 2023-s. Nga jashtë ndryshimi nuk është sa një gjeneratë e re, por është i qartë kur e din ku të shikosh. Dhe ka rëndësi praktike: pjesët para e mbrapa nuk janë të njëjta para dhe pas 2023-s.

Si i dallon

Para. Brenda maskës singleframe, Q8-a e përditësuar ka inserte vertikale. Në modelin bazë ato kanë formë pike, ndërsa me paketën S line exterior dhe në SQ8 TFSI janë në formë L. Hyrjet e ajrit u bënë më të theksuara, dhe pjesa e poshtme e branikut — para dhe mbrapa — u ripunua. Në modelin bazë, zonat e branikut, shiritat e dyerve dhe difuzori vijnë në ngjyrë kontrastuese.

Dritat para. Këtu dallimi pikaset më lehtë, veçanërisht natën. Modeli i përditësuar ofron për herë të parë në Q8 fenerë HD Matrix LED me ndriçim laser: 24 LED dhe një diodë laser për fener, që punon prej 70 km/h e lart. Dritat dixhitale të ditës qëndrojnë më lart, në buzën e sipërme horizontale, dhe nga MMI zgjedhen katër nënshkrime drite. Në Q8-at para 2023-s, fenerët LED ishin standard dhe HD Matrix LED opsion — ndriçim laser nuk ofrohej.

Mbrapa. Opsion i ri janë dritat dixhitale OLED, po ashtu me katër nënshkrime. Kur një veturë afrohet më pak se dy metra te Q8-a e parkuar, ndizen të gjitha segmentet OLED. Dritat lidhen mes vete me një shirit LED me kornizë black gloss. Të gjitha Q8-at e përditësuara kanë sistem të ri të shkarkimit me gypa të dukshëm.

Detaj i vogël, por i sigurt. Unazat e Audi-t tani janë dydimensionale, të bardha e të zeza, në vend të kromit. Rrotat standarde janë 20 inç, me pesë dizajne të reja prej 21 deri 23 inç.

Çka do të thotë për ty

Nëse ke Q8 dhe po mendon për pjesë para ose mbrapa, viti vendos — jo vetëm modeli. Një lip i përparmë i bërë për branikun e përditësuar nuk është i njëjti si për modelin 2018–2023, edhe pse vetura nga larg duket e ngjashme. Para se të porosisësh, shkruaj vitin e saktë dhe ta konfirmojmë përshtatjen.

Pjesët që kemi për Q8

Çmimet janë vetëm për pjesën — pa ngjyrosje dhe pa montim.

Burimet

  • Audi — "Expressive design and new lighting technology: the upgraded Audi Q8" — https://www.audi.com/en/press-releases/expressive-design-and-new-lighting-technology-the-upgraded-audi-q8-15555
  • Audi — "Audi Q8 / Audi SQ8 TFSI (until 2023)" — https://www.audi.com/en/audi-q8-audi-sq8-tfsi-until-2023-15508
  • Audi USA — 2020 Audi Q8 / SQ8 / RS Q8 Press Kit — https://media.audiusa.com/assets/documents/original/7456-2020AudiQ8SQ8RSQ8PressKitFINAL.pdf

← Lajme